انا عاوزكوا تركزوا معايا اوى عشان نرخم شوية على اى حد ونضحك ونمارس هوايتنا المفضله
1-تبقى قاعد فى المحاضره وفى واحد قدامك بيتكلم تبصله وتقله لو سمحت صوتك عاوز اسمع هو هيسكت طبعا تقوم انت مكلم اللى حنبك بصوت عالى هو هيبصلك وهيبقى نفسه ...
2-بتوع الشئون دول بأه بيرخموا عالطلبه دايما تعالوا نرخم عليهم شوية تخليه عمال يشتغل وتقعد تسألأه اسئه مش من اختصاصه خالص هيقلك مش عارف لأنه مخنوق اساسا والجو ناااااااار تسكت شويه وتسأله نفس الأسئله لحد ما يقلك امشى من هنا ويقفل الشباك واكيد هينتحر ومش هييجى الشغل ده تانى
3-تبقى ماشى فى الشارع توقف اى واحد بتاع موتوسيكل وتقله ممكن رخصك هيقلك ليه هو انت طابظ مرور قوله لا اصل انا بعمل رخصه وعاوز اعمل زى بتاعتك
4-تخلى اى حد معدى من جنبك وتقوم حاطط رجلك طبعا هو هيتكعبل تقوم تقله اسمالله عليك وتجرى
5-تخلى بنتين ماشيين مع بعض وتقوله ياااه يا سلام ايه الجمال ده وتقد تمدح وفى الآخر تقول انتوا اكيد ريا وسكينه
6-وانت قاعد فى الكافيتريا تاخد المنيو تبص متعجبكش حاجه الجرسون هيتخنق هيقلك اوامرك يا باشا تطلب طلبات غريبه قله مثلا هاتلى كوارع وملوخيه واديها هو طبعا هيقف مخنوووق وهيقلك معندناش الحاجات دى تقله خلاص هاشرب قله عندك موغات على اساس انك فى سبوع هيقلك لا قله يا خساره وتبص فى ساعتك وتقول ياااه دنا اتأخرت اوى وتطلع تجرى بعد ماتكون وقفت الجرسون جنبك ساعه ونص الزباين زهقوا هما كمان
تبقى داخل الجامعه وطبعا الحرس واقف مش بيفتش وهب مره واحده تقول على اى حد داخل ده مش معاه كرنيه دا مش معاه كرنيه طبعا الحرس هيندهله ويشوف كرنيهه اذا كان معاه خلاص مش معاه تبقى افتحتلك طاقت القدر يا معلم وتقعد تخنق فى الواد وتقله ازاى داخل من غير كرنيه وتخلى الحرس يشك فيه وتقول يبقى انت اكيد داخل عشان حاجه انت تنظيم صح اه انا بشوفك هنا كتير هتلاقيهم يا عينى ودوا الواد فى داهيه
يارب تكون عجبتكوا واشوفكوا كده وانتوا بترخموا يا سلام احلى حاجه والله
موضوع: اصول الرخامه 
الإثنين أبريل 05, 2010 4:14 am
